ஏனுங்க , நீங்க கோயம்புத்தூருங்களா ? -2

முந்தைய பதிவுக்கு நல்லா இருக்கு அப்பிடின்னு நெறைய(நம்மளா சொல்லிக்க வேண்டியதுதான் , காசா , பணமா) பின்னூட்டங்கள் வந்தததினால் இந்தப் பதிவு தொடர்கிறது.

3.உணவு  சார்ந்த சொற்கள் :

 

1 வனக்குதல் தாளித்தல்
2 மொளவாட்டி கொழம்பு வைத்தல்  தேங்காய் , கொத்தமல்லி சேர்த்து விழுதாக அரைத்து விட்டு குழம்பு வைத்தல் 
3 சீடை  அரிசி மாவால் செய்யப்படும் சிறிய சிறிய உருண்டைகளான இனிப்பு 
4 தெலுவு பனை , தென்னை மரங்களில் இருந்து இறக்கப்படும் பதநீர் 
5 பானக்கம்  கருப்பட்டி கலந்து செய்யப்படும் இனிப்பு நீர் 
6 கல்லக்காய் வேர்க்கடலை 
7 பொவியிலை புகையிலை
8 குச்சிக்கிழங்கு மரவள்ளிக்கிழங்கு
9 சீம்பு மாடுகள் கன்று ஈன்ற பிறகு மூன்று நாட்களுக்கு கெட்டியாக வரும் பாலில் இருந்து செய்யப்படும் இனிப்பு. உப்பும் சேர்க்கலாம்
10 கண்டிக்கிழங்கு சக்கரைவள்ளிக்கிழங்கு(?)
11 சுக்கு காபி சுக்கு, கொத்தமல்லி ஆகிவற்றை பொடி செய்து சுடுநீரில் சர்க்கரை கலந்து செய்யப்படும்.
12 அஸ்கா  வெள்ளை சர்க்கரை 
13 கரும்புச் சக்கரை  வெல்லத்தை உடைத்துச் செய்யப்படும் சர்க்கரை /ஜாஃகிரி 
14 புளி தண்ணி   கம்பு சோற்றில் மீதமுள்ள தண்ணீரில் உப்பிட்டு குடிப்பர் 
15 கம்மஞ்சோறு  கம்பு சோறு 
16 அம்புலி  சோளச்சோறு 
17 பழைய சோறு  பொதுவாக காலையில் வயல் வேலைக்குச்  செல்வோர் , அதிகாலையில் காலை உணவுக்கு முன்ன இரவு மீந்த சாப்பாட்டில் தண்ணீரோ , மோரோ கலந்து சாப்பிட்டுவிட்டு செல்லுவர். அது ‘பழைய சோறானது’
18 கச்சாயம்  அதிரசம் 
19 ஒப்பிட்டு போளி 
20 ஓனவா , ஒனத்தியா  நாக்கிற்கு ருசியாக 
21 சீப்பை பனங்கொட்டைகளை மண்ணில் புதைத்து வைத்து குறிப்பிட்ட நாட்களுக்குப் பிறகு , வெளியில் எடுத்தால் நடுவில் வெள்ளையாக இனிப்பானதாக நுங்கு மாறியிருக்கும்
22 பனங்கிழங்கு  பனங்கொட்டைகளை மண்ணில் புதைத்து வைத்து வளரவிட்டு கிழங்கை எடுத்து உப்புப் போட்டு  வேக வைத்து சாப்பிடுவது
23 கோசக்காய்  தர்பூசணி 
24 நவாப்பழம்  நாவல்பழம் 
25 சந்தவை  இடியாப்பம் 
26 கொள்ளுப்பருப்பு , கொள்ளு ரசம்  கொள் பயிரை வைத்து செய்யப்படும் துவையல் , ரசம்  
27 பருப்புச் சாப்பாடு   அரிசி , பருப்பு சாதம் 
28 வெள்ளாங்பூண்டு  வெள்ளை பூண்டு 
28 சீமெண்ணை  
மண்ணெண்ணெய்
29 சுண்டப்பருப்பு  முந்தைய நாள் வைத்த பருப்பை , இரண்டு அல்லது ஒரு நாள் கழித்தோ மீந்து போனால் , அடுப்பில் நன்றாக சுண்ட வைத்து சாதத்துக்குப் பிசைந்து  சாப்பிடுவர்
30 ஊனு  சாப்பிட்ட தட்டில் மிச்சமிருக்கும் கடைசி கலவை
31 ராய்க்கூழு கேழ்வரகுக் காஞ்சி
32 ரக்கிரி(லி) கீரை
33 கருஞ்சுக்கிட்டித்தழை மணத்தக்காளிக்கீரை

4.பண்டிகை சார்ந்த சொற்கள் :

 

 

1 நோம்பி (ஆடி நோம்பி) நோன்பு என்பதன் திரிபு. ஆனால் எல்லாப் பண்டிகைகளுக்கும் நோம்பி என்றே சொல்லுவது வழக்கம்.
2 போக்குவரத்து   திருமணம் நிச்சயிக்கப்படும் முன் அதே சமயம் உறுதியான பின்பு நடத்தப்படும் வைபவம். (வாங்க பழகலாம் முறையில்)
3 தெரட்டி  பூப்பு நன்னீராட்டு விழா 
4 கட்டுசாதவிருந்து  மாதமாக உள்ள பெண்களுக்கு உறவினர்கள் சேர்ந்து விருந்து வைத்தல்   
5 அடசல்  பொதுவாக சாமிக்கு நேர்ந்து கொண்ட கோழிகளை படைத்து விருந்தளிக்கும் முறையைக் குறிக்கும்  
6 சாவக்கட்டு  சேவல் சண்டை 
7 பொட்லி  கோவில்களில் வேண்டுதலின் பொருட்டு நிறைவேற்றப்படும் எழுப்பப்படும்  வேட்டுச்சத்தம் 
8 தண்டல் தப்பாட்டம் 
9 வான(ண)ம் உடுதல்  கோவில்களில் பூஜை நேரத்தில் விடப்படும் வெடி 
10 தீர்த்தத்துக்குப் போறது  எந்தக்கோவிலிலும் விஷேஷம் இருப்பின் அருகில் உள்ள காவிரி ஆற்றிக்குச் சென்று நீர் எடுத்து வந்து அபிஷேகம் செய்தல் 
11 தீர்த்தம் முத்தரித்தல்  தீர்த்தத்துக்குப்  போய்விட்டு வந்தபிறகு அந்த நீரை ஸ்வாமிக்கு அபிஷேகம் செய்வதைக் குறிக்கும் .
12 மலையேறிடுச்சு பொதுவாக சாமி வந்தவர்கள் தன்னிலைக்கு வருவதைக் குறிப்பிடும் சொல் 
13 எழுதிங்கள்  திருமணமான , பெண் குழந்தைகள் பெற்ற  பெண்களுக்கு நடத்தப்படும் சீர் 
14 அருமைக்காரர்   திருமண சடங்கை , சீர்களை முன்னின்று நடத்தி வைப்பவர்  
15 ஒருசிந்தி (சந்தி) விரதம் இருத்தல்  
16 கிழமை பிடித்தல்  பொதுவாக வெள்ளிக்கிழமை , சனிக்கிழமை காலையில் குளித்துவிட்டு குறிப்பிட்ட தெய்வங்களுக்கு பூஜை செய்துவிட்டே பிற வேலைகளைச் செய்வது. மற்றபடி எல்லாக் கிழமைகளுக்கு பொருந்தும்  
17 புண்ணியாச்சினை  புதுமனைப் புகுவிழா . பொதுவாக எந்த ஒரு நல்ல காரியத்தைத் தொடங்குவதற்கும் செய்யப்படும்
18 புள்ளார்   பிள்ளையார் 
19 வாக்கு கேட்டல்  சாமியாடுபவர்கள் சொல்லும் குறி  
20 சாமிக்கு விடுதல்  பொதுவாக வெள்ளாடு, எருமைக்கன்றுகளை சாமிக்கென்று நேர்ந்து விடுதல்  
21 மொதமை  கோவில்களில் முதன்மைதாரர்  
22 பட்டிப்பொங்கல்  மாட்டுப்பொங்கல் 
23 வாசப்பொங்கல்  வீட்டில் வைக்கப்படும் பொங்கல்  
24 காப்புக்கட்டு    போகி  
25 பூவிறைக்கிற நோன்பி   பொங்கலுக்கு அடுத்த நாள் காணும் பொங்கல் அன்று நடைபெறும் 
26 சோமாரம்   சோமவாரம் , சுமங்கலி பூஜை   
27 கரவத்தாட்டம்  கரகாட்டம்  
28 ஆடல் பாடல்  இசைக் கச்சேரி 
29 செரவடித்தல்  
பூசாரிகள் வேப்பிலை
கொண்டு மந்திரித்தல் 
30 தயிர் மந்திரித்தல்  ஏதேனும் சிறிய அளவிலான விஷக்கடிக்கு வைத்தியம் செய்தல் 
31 பாடம் போடுதல்   மந்திரித்தல் 
32 தூறியாட்டம்  ஊஞ்சல் ஆடுவது . மஞ்சிக் கயிற்றில் கட்டப்படும் ஊஞ்சல் . ஆடிப் பெருக்கு அன்று 
33 வாவூஸ் அசனம்  இதற்கு அர்த்தம் தெரியாது . ஆனால் , மாட்டுப் பொங்கல் நாள் அன்று எல்லாம் முடிந்த பிறகு உணவளித்த எல்லா தெய்வங்களுக்கும் , கால்நடைகளுக்கும் நன்றி சொல்லும் விதமாக பட்டியைச் சுற்றி மூன்று முறை நீரை இருவர் இறைத்துக் கொண்டே வலம் வந்து நன்றி தெரிவித்தல்  

தொடரும் …

வாழ்த்துகளுடன்
செ ச

Advertisements

ஏனுங்க , நீங்க கோயம்புத்தூருங்களா ?

மேலே, உள்ள தலைப்புப்படி யாரேனும் என்னைக் கேட்டால் , சட்டென்று ‘இல்லைங்க , கொஞ்சம் பக்கத்துல ஈரோடு, சரியாச் சொல்லனுமுன்னா வெள்ளகோவில் ‘ என்று சொல்லிவிட்டு அப்புறம் யோசிப்பேன். அட , இந்த மாதிரி மரியாதை கலந்த தமிழில் பேசுபவர்கள் அனைவருக்குமான பொது மதிப்பீடு , இவர்கள் ‘கோவைக்காரராக’ இருக்க வேண்டும் என்று மற்றவர்கள் யூகித்து பொத்தாம்பொதுவாக ‘கொங்குத் தமிழில் ‘ பேசுபவர்களெல்லோருக்கும் ‘கோயம்பத்தூரே’ சொந்த ஊராகிப் போனது. இப்போது விஷயம் , அதுவல்ல . முகநூலில் ஒரு மாதம் முன்பு , அக்காள் ஒருவர் ‘கொங்குத் தமிழ் பேச்சு வழக்கு’ என்று சிற்சில தகவல்கள் அடங்கிய பதிவொன்றை பகிர்ந்திருந்தார். நானும் சிலபல சமயங்கலில் அது பற்றிய பதிவு ஒன்றைப் பகிரலாமே என்று எண்ணிக் கொண்டே வெட்டியாக நாட்களை மட்டும் கடத்திக் கொண்டிருந்தேன் , ஆகையால்  ஆர்வமிகுதியால் ‘ இதை (அந்தப் பதிவை) நீங்க எழுதுனீங்களா ?’ என்று கேட்டு வைக்க , அவங்களோ ‘எங்கத்த , பகிர்வு மட்டும்தான் , வேணும்னா நீ எழுதேன் , அதை(யும்) பகிர்ந்துட்டாப் போச்சு ‘ என்ற அளவில் நம்மை உசுப்பிவிட , நிகழ்வதே இந்தப்பதிவு.

கண்டிப்பாக எழுதி விடுவோம் என்று உக்கார்ந்தவுடன் , நமது கூகிள் ஆண்டவர் துணையோடு யாரெல்லாம் என்னென்ன இதற்கான முயற்சிகளில் இறங்கியுள்ளார்கள் என்று பார்த்தால் அப்பப்பா நான் சொல்லவந்ததை 10 வருடங்களுக்கு முன்பே சிலர் எடுத்து கையாண்டு பல பதிவுகள் பகுதி பகுதியாக  இட்டு வந்துள்ளனர் . அனைவருக்கும் முதலில் வணக்கங்களும் , நன்றிகளும் .அவர்களில் முதன்மையாக எனக்குத் தெரிந்த ஒருவர் , வா மணிகண்டன் அவர்கள் . பிற்பாடு , நிறைய பேர் எழுதி இருந்தாலும் சற்றேறக்குறைய அனைத்துப் பதிவுகளும் ஒன்றோடு ஒன்று தொடர்புடையவையாதலால் யாருடையது ‘மூலம்’ என்று தெரியவில்லை. அதோடு , 2006-09 ஆண்டுக்குப் பிறகு இதில் எந்த முன்னேற்றமும் காணப்படவில்லை. எனது இந்தப்பதிவு அவர்களின் பதிவுகளின் ‘தொடர்ச்சி /நீட்சி’ என்று எப்படி வேண்டுமானாலும் சொல்லலாம்.

அத்தோடு , கிடைத்த உபரி தகவல் – ‘கொங்கு வட்டார சொல்லகராதி ‘ பெருமாள் முருகன் அவர்களால் எழுதப்பட்டது என்று.

இந்தப் பதிவை நாள்தோறும் படிப்படியாக பேச்சு வழக்குச் சொற்களை அவை பயன்படுத்தப்படும் பாங்கில் பிரித்து பகுதி பகுதியாக , ஆனால் இதே பதிவில் மேன்படுத்திக்கொள்ளலாம் என்று ஆவல் .

குறிப்பு : அதோடு , யாருக்கேனும் இன்னும் சொற்கள் தெரிந்து இருந்தால் , தயங்காமல் அனுப்பி வைக்கவும் . நன்றிகள்.

1.வீடு  அதன் சுற்றுப்புறம் சார்ந்த சொற்கள் :

 

 

1 இட்டாரி(லி), இட்டேறி வழித்தடம் , சிறிய பாதை , கிளைத்தடம்
2 நடவை கதவு
3 சீமாறு , சீவமாரு, சீவக்கட்டை விளக்குமாறு
4 ஈக்குமாறு விளக்குமாறு , தென்னைமர குச்சியில் செய்தது . வீட்டுக்கு வெளியில் கூட்ட , பெருக்க பயன்படும்
5 தொறப்புக்குச்சி சாவி , திறவுகோல்
6 தொற திற
7 தொரை பெரிய துரை இவரு . அதாவது ஒருவர் செய்யமுடியாத செயலைச் செய்ய எத்தனிக்கும் போது, விளிக்கப் பயன்படும் சொல்.
8 எரவாரம் ஓட்டு வீடுகளில் திண்ணைக்கு மேல் கைக்கைட்டும் இடத்தில் அகப்படும் இடுக்கு, தாள்வாரம்
9 தாவாரம் தாழ்வாரம்
10 நீக்கு கதவ நீக்கு – கதவைத் திற
11 அட்டாலி , அட்டாரி பரண்
12 போசி சிறிய (அ) அளவான பாத்திரங்கள்
13 சால் , அண்டா, சருவம் தண்ணீர் ஊற்றி வைக்கப் பயன்படும் பாத்திரம்
14 ஒலக்கை உலக்கை
15 மூலை ஓரம் , இடுக்கு
16 கண்டரை அடுக்கு
17 சலந்தாரை , சலவாரை , சலந்தாரி தண்ணீர் செல்லும் பாதை
18 வள்ளம் , வல்லம் , படி அளக்கப் பயன்படுவது . சிலசமயங்களில் ‘படி’ – வெண்கலத்தால் ஆனது , எச்சில் துப்பவும் பயன்படும் .
19 நெலவு வாசற்படி கதவு
20 பொடக்காலி வீட்டின் பின்புறம் , குளிக்குமிடம்
21 தேகுசா , தேவுசா பாத்திரம்
22 தயிர் சிலுப்புதல் தயிர் கடைந்து வெண்ணை எடுத்தல்
23 மத்து ஒரு வகைக் கரண்டி , கடைவதற்குப் பயன்படுவது
24 பராத்து மிகப் பெரிய தட்டு
25 வட்டல் சாப்பிடும் தட்டு
26 அன்னவாரி சாதம் அள்ளிப்போட உதவும் கரண்டி , அன்னக்கரண்டி
27 முக்கு முனை , திருப்பம்
28 ஓல்லு நெல் , கம்பு குத்த பயன்படும் ஒருவகையான செக்கு
28 ஓர் ஒளவு ஓர் உழவு (பெய்த மழையைக் குறிக்கும் சொல் )
29 சால்பரி கோழிகளை மூடி வைக்கப் பயன்படுவது , தண்ணீர் இறைக்கவும் பயன்பட்டது
30 நடவை கதவு
31 லாந்தர் , அரிக்கேன் விளக்கு Lantern என்பது மருவி வந்து இருக்கலாம்
32 துப்புட்டு போர்வை
33 தலவாணி தலையணை
34 கால்மாடு கால் வைக்கும் பகுதி
35 களம் வாசல்

2.விவசாயம் சார்ந்த சொற்கள்  :

 

1 மக்கிலி (மக்கிரி ) பெரிய கூடை
2 கலப்பை ஏர்
3 கொலுவு ஏர் முனை , கூரான ஆயுதம்
4 மம்முட்டி , மம்பட்டி மண்வெட்டி
5 கொத்து சிறிய மண்வெட்டி
6 மொளக்குச்சி ஆடு மாடுகளைக்  கட்ட நிலத்தில் அடிக்கும் மரத்துண்டு
7 சாளை இரு வேறு பொருள் – வீட்டுக்கு வெளியில் தனியாக இருக்கும் சிறிய இடம்
8 கட்டுத்தரை மாடு கன்றுகளை கட்டி வைக்கும் தொழுவம்
9 கொடாப்பு பிறந்த மாட்டின் இளங்கன்றுகளை  அடைத்து வைக்கப் பயன்படும் சிறிய ஓலை குடிசை
10 அண்ணாங்கால் மாட்டின் வேகத்தை மட்டுப்படுத்த ஒரு கயிறை கழுத்தில் இருந்து காலோடு சேர்த்தி கட்டி விடுதல்
11 பால் பீய்ச்சுதல் பால் கறத்தல்
12 உருவாஞ்சுருக்கு ஆடு மாடுகளை காட்டும் போதும் இலகுவாக அவிழ்க்கும் படியும் , அதே சமயம் கழண்டு விடாதபடியும் போடப்படும் முடிச்சு
13 அண்ணாங்கயிறு பால் கறக்கும் போது மாட்டின் கால்களைச் சேர்த்துக் கட்டும் கயிறு
14 பட்டி ஆடுகளை அடைத்து வைக்குமிடம்
15 தொண்டுப்பட்டி மாடு , கன்றுகள் இருக்குமிடம்
16 அணைதல் மாலை நேரத்தில் கோழிகள் தூங்கச் செல்லுவதைக் குறித்தல்
17 கிடாரி பெண் மாடு (கன்று ஈனுவதற்கு முன் )
18 நசியம் , பயிராவுதல் மாடுகள் கர்ப்பமாகுதல்
18 காளைக்குத் திரியுது அதே பொருள்தான்
19 கடவு , கடவுப்படல் தட்டி
20 தடுக்கு தென்னை ஓலையில் செய்யப்படும் பாய்
21 பாவை பாய்
22 மசை பிடித்தல் வெறி பிடித்தல்
23 தட்டக்கூடை கொஞ்சம் பெரிய அளவிலான வாய் அகன்ற கூடை
24 செம்பிலியாடு நாட்டு ஆடு
25 வால்கவுறு கவுறு – கயிறு . மஞ்சியினால் திரித்த கயிறு
26 மஞ்சி தென்னை மட்டையில் திரித்தது
27 கவலை(ளை)யோட்டுதல் மின்சாரம் வருவதற்கு முன்பு தண்ணீர் இறைக்கப் பயன்பட்டது
28 சேந்துதல் இறைத்தல்
29  தரம்பு கட்டுதல் கிளுவை நொச்சிக் கட்டைகளை வைத்துக் கட்டப்படும் படல்
30 மாறு பொதுவாக குச்சியைக் குறிக்கும் சொல்
31 பரம்பு ஓட்டுதல் பொதுவாக ஆற்றில் ஊத்து வெட்டி தண்ணீர் எடுப்பவர்கள் , ஆற்றில் நீர் ஓடி ஊற்றை சமன் செய்துவிட்டுப் போனபிறகு மீண்டும் மண்ணைத் தோண்டி ஊற்றாக மாற்றுவர். அந்த செய்கைக்குப் பெயர் ‘பரம்போட்டுதல் ‘
32 மொறம் முறம்
33 கருக்கருவாள் பொதுவாக சிறிய இலை , தழைகளை அறுக்கப் பயன்படுவது
34 கொடுவாள் அரிவாள்
35 களத்துமேடு வீட்டை விட்டு தனியாக இருக்கும் வாசல். பயிர் வகைகளை பிரித்தெடுக்கப் பயன்படுவது. சேமிப்புக்கும் உதவும்.
36 பாம்பேரி கிணறு வெட்டியதில் இருந்து வெளிவந்த மண் அருகிலேயே ஏரி போல குவித்து வைக்கப்பட்டு மேடாக மாறி இருக்கும்
37 நப்பு வற்றிக்கிடந்த கிணறு , நீரோட்டம் பெற்று ஊற ஆரம்பித்தால் , அருகில் ஏதாவது நீரோட்டம் ,நீர்த்தேக்கம் இருப்பின் அந்த நப்பு (தாக்கம்?) இங்க அடிச்சுடுச்சு என்பார்கள்
38 ஆத்துப் பாசனம் , கிணத்துப் பாசனம் முறையே விவசாயத்துக்கு நீர் எங்கிருந்து வருகிறது என்பதைக் குறிக்கும்
39 இடால் , கண்ணி இரண்டும் மிருகங்களைப் பிடிக்க வைக்கப்படும் பொறி .
40 பெருக்கான் பெருச்சாளி
41 ஓடைக்காய் ஓணான்
42 நஞ்சு பெரும்பாலும் விஷம் என்ற பொருள்தான் . ஆனால் , ஆடு மாடுகள் குட்டி /கன்று ஈன்ற பிறகு வெளிவரும் தொப்புள் கொடியைக் குறிக்கும்
43 பாத்தி கட்டுதல் மண்ணை நடவு நாடா , தண்ணீர் பாய சீராக்குதல்
44 முருங்க்கா பொறிக்கிறாங்க முருங்கை பறித்தல்
45 தண்ணி வெட்டி உடுறாங்க வயல்களுக்கு , நிலங்களுக்கு தண்ணீர் பாய்ச்சுதல்
46 வெள்ளாம, பண்ணாமை வெள்ளாமை – விவசாயம்
47 முட்டுவழி , முதல் ஒரு பயிர் விளைவிக்க ஆகும் மொத்த செலவு
48 மேட்டாங்காடு வானம் பார்த்த பூமி
49 தாளி ஆடு மாடுகள் தண்ணீர் குடிக்க உதவும்
50 போர் போடுதல் விளைந்த கொடி , தட்டுகள் , இலை தழைகள் அனைத்தையும் சேமித்து வைக்கப் போடும் அரண்
51 தோட்டத்துல இருக்காங்க பொதுவாக ஊருக்குள் குடியிருக்காமல் விவசாயம் செய்யும் நிலத்திலேயே வீடு கட்டி வாழ்வோரைக் குறிப்பது
52 கந்தாயம் , போக்கியம் , கிரயம் நிலத்தை விற்றல் /வாடகைக்கு விடுதல் ஆகியவற்றைக் குறிக்கும் சொற்கள்
53 பண்ணை நீர் சேமித்து வைக்கும் தொட்டி
54 பண்ணையம் விவசாயம்
55 ரீப்பர் வீடு கட்டப் பயன்படும் ஒரு வகைக் கட்டை/தப்பை
56 கடைமடை , கடக்கோடு இறுதி/கடைசி
57 சும்மாடு தலைப்பாகை
58 சுழி மாட்டுக் கன்றுகளுக்கு தலையில் இருக்கும் முடி
59 குறுக்குச்சால் பொதுவாக எந்தச் செயலையும் நன்றாக நடக்க விடாமல் கெடுத்து விடுவது .
60 கவண் குருவிகளை விரட்டப் பயன்படுவது . கயிற்றில் செய்யப்பட்ட நடுவில் ஒரு கல் வைத்து வீசுமளவுக்கு அகலம் உள்ளவாறு அமைக்கப்பட்டது
61 பாங்கிணறு தூர்வாரப் படாமல் தூர்ந்து போய்க் கிடைக்கும் பழைய கிணறு .
62 ஒடுக்கு பனையோலையை வைத்து சாப்பிட பின்னப்படும் . ஒடுக்கஞ்சோறு என்று ஒரு பதமும் உண்டு  .
63 கூமாச்சி கூர்மையான பகுதி
64 பாட்டாளி உழைப்பாளி
65 தொக்கடா குறுக்குவழி
66 வெள்ளத்தாரை நீர் போகும் பாதை
67 கிட்டி வேலி தாண்டிப் போகும் ஆடுகளுக்கு கழுத்தில் கட்டி விடப்படும் ஒரு தப்பட்டை

எப்பா சாமி , மிச்சம் அடுத்த பதிவில் .

 

வாழ்த்துகளோடு ,

செ . ச

நான் பார்த்த இரண்டு படங்கள்

அனைவருக்கும் வணக்கம் . ‘தாரை தப்பட்டை’யெல்லாம் கிழிந்து தொங்கிக்கொண்டிருக்கும் ஒரு இனிய குளிர் விடுமுறை வார வருடக்கடைசியில் நான் பார்த்த இரு படங்களைப் பற்றி எழுதியே ஆக வேண்டுமென்று தினமும் வெட்டியாக 4 மணி நேரம் போக்கிக் கொண்டிருக்கும் கீச்சுலகத்தையும் , முகப்புத்தகத்தையும் ஏறக்கட்டி விட்டு எழுதலாம் என்று உக்கார்ந்து விட்டேன்.

முதலாவதாக பாண்டிராஜ் இயக்கத்தில் வெளிவந்து இருக்கும் ‘பசங்க -2 ‘ படம். இங்கே , தமிழ்ப்படங்கள் பார்க்க  சாதாரணமாக 40-50 மைல்கள் கடந்துதான் போக வேண்டி இருக்கும். அதனால் பெரும்பாலான படங்கள் பார்க்க முடிவதில்லை. ஆனால் , இந்தப் படத்துக்கு விருப்பம், சரியான கூட்டு , நேரம் அமையப் பெற்றதால் பார்க்க முடிந்தது. படம் – தரம் .

நமது கல்விமுறையையும் , குழந்தை வளர்ப்பையும் , நகரவாழ் மாந்தர்களின் செக்குமாடு போன்ற வாழ்க்கையையும், மருத்துவர்களின்/கல்விக்கூடங்களின் பணப்பிடுங்கல்களையும்  அருமையாக படம்பிடித்துக் காட்டி இருக்கிறார். வாழைப்பழத்தில் ஊசி ஏற்றுவது போல படம் பல விசயங்களைச் சுட்டி இருந்தாலும் , மிக முக்கியமாக கல்வி , இயல்புக்கு மாறாக துறுதுறுவென இருக்கும் இரண்டு குழந்தைகளையும் அவர்களின் பெற்றோரையும்  சுற்றியே பின்னப்பட்ட கதை. அந்தக் குழந்தைகளினால் அவர்களின் பெற்றோர்  படும் பாடு , மற்ற குழந்தைகளைப் போலவே தங்கள் குழந்தைகளும் இருக்க வேண்டும் என்று அவர்கள் தங்கள் குழந்தைகளின் இயல்பைப் புரிந்து கொள்ளாமல் அவர்களை வற்புறுத்தும் பெற்றோராக முனிஸ்காந்த் ராமதாஸ்-வித்யா மற்றும் ரவிக்குமார்-பிந்து  மாதவி தம்பதியர் ஆகியோரைச் சுற்றியே இடைவேளைவரை கதை பின்னப்பட்டு இருக்கும். அவர்களின் பிள்ளைகளாக நிஷேஷ் மற்றும் பேபி வைஷ்ணவி. சும்மா சொல்லக்கூடாது , பின்னி எடுத்து இருக்கிறார்கள்.

பள்ளிக்கூடம் , பள்ளிக்கூடமாக மாற்றப்பட்டு இறுதியாக விடுதியில் தள்ளப்படும் குழந்தைகளின் திறமையை, எவ்வாறு அவர்களின் பெற்றோரிடம்தான் தவறு என்று உணரவைத்து மாற்றும் கதாப்பாத்திரத்தில் சூரியா (மருத்துவர் தமிழ் நாடன்) மற்றும் அமலாப் பால் தம்பதியர். கொஞ்சம் செயற்கைத்தனம் தெரிந்தாலும் ஏற்றுக்கொள்ளக்கூடியதே இவர்களின் கதாபாத்திர அமைப்பு. படத்தின் ஆரம்பக் காட்சி சொல்லுவது – முழுப் படத்திற்குமே பொருந்தும். அதாவது , போட்டியில் எல்லோரும் ஜெயித்து விட முடியாது, ஆனால் , அவர் அவர்கள் வைத்த இலக்கை போராடி அடைபவர்கள் ஒவ்வொருவரும் வெற்றியாளர்களே.

படத்தில் கவனிக்க வேண்டிய மற்ற முக்கியமான அம்சங்கள் – 1. நடிக நடிகையர் தேர்வு. 2. பாலசுப்ரமணியம் அவர்களின் ஒளிப்பதிவு – தரம் , காட்சிகள் அத்தனையும் கண்களுக்கு விருந்து . 3. இசைஅமைப்பாளர் அரோல் கரோலியின் இசை – சிறுவர்களுக்கான பாடல்கள்தான் என்றாலும் அதைக் காட்சிப்படுத்தியவிதம்  மற்றும் இசை மூலம் குழந்தைகளுக்கு பிடிக்கும்படி அமைந்துவிட்டது வெற்றி. ‘தம் தம் தார’ என்று தொடங்கும் படத்தின் மையப்பாடல் அருமை. மற்றபடி பின்னணி இசை , பாடல்கள் படத்தோடு ஒன்றி வருகிறது.

படம் – கண்டிப்பா புதிதாக குழந்தை பெற்றுக்கொள்வோரும் , குழந்தையைப் பெற்ற பெற்றோர் அனைவரும் பார்க்க வேண்டிய படம். ஆனால் , படம் வேண்டிய அழுத்தத்தை தரவில்லை என்றே தோன்றுகிறது. கண்டிப்பாகப் பாருங்கள்.

 

இரண்டாவதாக லியனார்டோ டி காபிரியோ நடித்த ‘தி ரெவனண்ட்’ திரைப்படம் . நம்மூரில் ஹாலிவுட் பாணியைப் பற்றி படங்களை முடிந்த அளவு இரண்டு-இரண்டேகால் மணியில் முடித்து விடுகிறார்கள். ஆனால் , இங்கோ நம்ம பாணியில் இப்போதெல்லாம் இரண்டரை மணிக்குக் குறைந்து படங்ககெல்லாம் வருவதே அரிது . இப்படம் 2 மணி 36 நிமிடம் . இயக்கியவர் – அல்ஜெண்டரோ கோன்சலே இன்அரிட்டு. கதை என்னமோ – ஆதிகாலத்து (சின்ன மாற்றம்) பிள்ளையைக் கொன்றவனை பழிவாங்கும் அப்பனின் சாதாரண கதைதான். ஆனால் , அதை எடுத்த விதமும், ஆஸ்காருக்கு அடி மேல் அடி போடும் டி காபிரியோவின் நடிப்பும் அப்பப்பா அருமை. டாம்  ஹார்டி வில்லனாக.

 

படம் கவ்பாய் காலத்தே , வண்டிகள் வந்திராத துப்பாக்கி ஏந்திய முன்நூற்றாண்டுகளின் காலகட்டத்தில்(1823) நடக்கிறது. சிவகாசி விஜயன் சார் புண்ணியத்தில் டெக்ஸ் வில்லரையும் , டைகரையும் , லக்கி லுக்கையும்  படித்த என்னைப் போன்ற காமிக்ஸ் ரசிகர்களுக்கு செவிந்தியர்களையும் அவர்கள் மண்டைத் தோலை உரிக்கும் பாங்கையும் , எந்தவொரு வெள்ளையனையும் நம்பாத பாங்கையும் நன்கு தெரியும். அதுவே இப்படத்தில் நன்கு சொல்லப்பட்டு உள்ளது. குழுவாக அமெரிக்கர்கள் pelts என்றழைக்கப்படும் விலங்குகளின் தோலை சேகரிக்கும் வேலையில் ஈடுபட்டு இருக்கும் இடத்தில் செவ்விந்தியர்களால் தாக்கப்பட்டு , தப்பித் திரும்ப தங்கள் கோட்டைக்கு வரும் வழியில் கரடியால் காயம்பட்டு மரணத்தருவாயில் இருந்து மீண்டு வந்து – மீண்டு வரும் அத்துணை காட்சிகளும் எதார்த்தம் மிளுரும், தன் மகனைக் கொன்ற டாம்  ஹார்டியைக் கொல்லும் கதாப்பாத்திரத்தில் டி காபிரியோ வாழ்ந்து இருக்கிறார். அற்புதமான நடிப்பு , சில இடங்களில் மிகை. படத்தில் மிக முக்கியமான அம்சம் – கதை நடக்கும் இடங்கள் – காடுகள் , மிருகங்கள், பனி படர்ந்த மலைப்பிரதேசங்கள் என அத்துணையும் அமர்க்களம்.  படத்தில் ரத்தசகதி மிக அதிகம் . எனினும் , படத்தின் காலகட்டமும் அது செல்லும் பாதையும் அவை தேவையானவை என்றே உணர்த்தும். படத்தின் இறுதிக்காட்சி பார்த்தவர்கள் கண்டிப்பாக இளையராஜாவை நினைவு கூறுவார்கள்.

படத்தின் மைனஸ் என்றால் – நீளமும் (சில சமயங்களில் ஆயாசம் ஏற்படும், தவிர்க்க முடியாது), ஊகிக்கக்கூடிய திரைக்கதையும்தான்.

பி.கு: ‘Revanant’ – என்ற ஆங்கிலப் பதத்துக்கு சாவின் விளிம்பிலிருந்து மீண்டு வந்தவன் என்று பொருள்.

வாழ்த்துக்களுடன் 

செ.ச

அதிதி தேவோ பவ

இந்த உலகத்திலுள்ள அனைத்து ஜீவராசிகளுக்கும் சாப்பாடு என்றால் முதலில் பெற்ற தாய்தான். நான் மட்டும் அதற்கு விதிவிலக்கல்ல. வீட்டை விட்டு , நாட்டை விட்டு திரவியம் தேடியோ அல்லது என்னைபோல வருவதை ஏற்றுக்கொண்டு வந்தேறிய இடத்தில் நன்றாக சமைக்கும்போதும், ஏனையோர் பாராட்டும்போதும், ‘அம்மா’ சமையல் பக்குவம் அப்படியே என ‘கழுத்துப்பட்டிகியை’த் தூக்கி விட்டுக் கொண்டு சிலாகிக்கும் ஏதோ ஒரு தருணத்தில் இதுவரை எனக்கு அன்னமிட்டவர்களைப் பற்றிய எண்ணம் எழுந்தது தவிர்க்க இயலாது. ‘அம்மா’ சமையலைத் தவிர என் இரண்டு பெரியம்மாக்களின் சமையலும் மிகவும் பிடிக்கும். அதுவும்,பக்கத்துக்கு வீட்டுப் பெரியம்மா சாம்பார் வைத்தால் எங்கள் வீட்டில் எல்லோருக்கும் தெரியும் நான் அங்குதான் இருப்பேன் என்றும். ஏழு கழுதை வயசானாலும் அவங்க வீட்டுல சாப்பிடுவதை நிறுத்தவில்லை. அதை நிறுத்த எங்கம்மா செய்த எந்த பகீரதப் பிரயத்தமும்  உதவவில்லை. ஒரு டம்ளர்ல  பக்கத்து வீட்டுக்கு ஓடிப்போய் சாம்பர வாங்கிட்டு வந்து ஒழிச்சு வச்சு எங்க வீட்டு சாப்பாடோட சாப்பிடுற சுகமே தனிதான். வேணுமின்னா நீங்களும் செஞ்சு பாருங்களேன்.

அதுபோக,ஆறு முதல் பத்தாம் வகுப்பு வரை மாலை பள்ளி முடிந்ததும் , அப்பா கடையிலிருந்து வீடு போகும்வரை இடைப்பட்ட நேரம் (ட்யுசன் நேரம் போக) நான் இருந்தது , கடைக்குப் பக்கத்திலுள்ள ராசா அம்மா வீட்டில் (அவங்க உண்மையான பேரு கூட மறந்துவிட்டது). வாரத்துல முக்கால் வாசி நாளு,அங்கதான் நமக்கு இரவுச்  சாப்பாடு , அந்த இட்லிக்கும் காரச்சட்டினிக்கும் என்ன குடுத்தாலும் தகும். கணவனை இழந்து, கடைகளுக்கு வீட்டிலிருந்தபடியே ‘வடை’  சுட்டுக் கொடுப்பதுதான் அவர்கள்  சம்பாத்தியம். ஆனாலும், விடுமுறை தினங்களில் அந்த வடைகளுக்கு முதல் எதிரி என் ‘வாய் ‘தான் . காசு இல்லாம ரெண்டு , காசு கொடுத்து(அவங்க வேணாமுன்னு சொன்னாலும்) ரெண்டு. மகள் வயிற்று பேரனையும் , பேத்தியையும் பார்த்துக்கொள்ளும் பொறுப்பும் இவர்களிடம் இருந்தது. அவர்கள்தான் எனக்கு மீதநேரம் பொழுதுபோக்கு. பின்னாளில்,அவர்கள் மகளுடன் சென்று ‘திருப்பூரிலியே’ தங்கிவிட்டார்கள்.

நானும் மேல்படிப்புக்காக கோயம்புத்தூருக்கு வந்த பிறகு,அங்கு விடுதி சாப்பாடு தான். அதுவும், செவ்வாய்க் கிழமை அன்றைக்கு வழங்கப்படும் பருப்பு சாதமும் , நெய்யும்,அப்பளமும் தேவாமிர்தம் என்பதை ஸ்ரீராமகிருஷ்ண மிஷனில் படித்த, படிக்கும், படிக்கப்போகும் எவனும் மறக்கமாட்டார்கள் . இதில், எவளும் என்ற பேச்சுக்கே இடமில்லை. ஏனென்றால், நீங்களே விசாரித்து அறிந்து கொள்ளுங்கள். அதன் பிறகு, ஞாயிறுதோறும் மதியம் வரும் பாயாசம் இரண்டாவது இடத்தைப் பிடிக்கும். இருக்கும்போது எதனுடைய அருமையும் தெரியாது என்பதைப் போல, மூன்றாவது வருடம் விடுதியில் இல்லாமல் வெளியில் அறை எடுத்துத் தங்கியிருக்கும்போது தான் விடுதி சாப்பாட்டின் அருமை தெரிந்தது. முதலில், அங்கேயும் இங்கேயும் சாப்பிட்டு உடம்பைக் கேடுக்கொண்டதுதான் மிச்சம் . அதன்பிறகு , நண்பன் ஒருவன் பழக்கத்தால் வீட்டில் சமைத்துப் போடும் ஒரு அக்காவின் வீட்டில் சாப்பிட ஆரம்பித்தோம். என்ன இருந்தாலும், உணவகங்களில் சாப்பிடுவதற்கும் இப்படி வீட்டில் சமைத்து தானும் அதையே சாப்பிட்டு அதை ஒரு வியாபாரம் போல எண்ணாமல் மற்றவர்களுக்கும் சமைத்துப் போடும் இது போன்ற இடங்களில் ஒருவிதமான தனித்துவமான பிடிப்பு வந்துவிடும். இவர்களையெல்லாம் காலம் உள்ளமைக்கும் மறக்க இயலாது.

அடுத்து, மேற்படிப்புக்காக சேலத்தில், முதலில் இருந்தே வெளியில் அறை எடுத்து தங்கும்படியானது. படிப்புச்சுமையால் மற்றும் வெளியில் சாப்பிட்டதனால் வயிற்றில் குடல் அழற்சி வந்து படாதபாடுபட ஆரம்பித்த வேலையில், நல்லவேளையாக அங்கும் சாப்பிடுவதற்கு ஒரு ஏற்ற இடம் அமைந்தது.  ஐயர் ஒருவர் , தனது வீட்டிலேயே முன்னறையில் மாணவர்களுக்கென ஒரு மெஸ் வைத்திருந்தார். வெளியில் பிரபலமாக ‘மாமி’ மெஸ் என்று அறியப்பட்ட இடம். இங்க சாப்பிடத் துவங்கிய பின்பு தான் குடல் புண்ணெல்லாம் பொய் என் உடல் எடை கூடியது எனலாம் . சாப்பாடு அவ்வளவு பிரமாதமாக இருக்கும். விலை கொஞ்சம் கூட இருந்தாலும், எந்த நேரத்தில் போனாலும் முகம் சுளிக்காமல் சாப்பாடு கிடைத்த இடம் அதுதான். சத்தியமாக, இவங்க இல்லையென்றால் என்பாடு திண்டாட்டம் ஆகி இருக்கும்.

அடுத்து , வேலை கிடைத்து பெங்களூரு வந்த பிறகு அங்கேயும் நண்பர்களுடன் தனிஅறை எடுத்து , சமையலுக்கும் ஒரு அம்மாவை வேலைக்கு வைத்துக்கொண்டோம். மளிகை சாமான்கள், காய்கறிகள் வாங்கித் தந்து விடுவது, மாதம் ஆளுக்கு இவ்வளவு என்று கொடுத்து விடுவது. அந்த அம்மாள் பெயர் நாகம்மாள். அறை நண்பர்கள் மாறினார்கள் , நாங்கள் அறை மாறினோம். ஆனால், அந்த அம்மா சமையல் மட்டும் மாறவே இல்லை. காரணம், சமையல் மட்டுமல்ல, கை சுத்தம், அன்பு , இதனைத் தொழிலாக நினைக்காமல் எங்கள் குடும்பத்தில் ஒருவர் போலவே ஆகிவிட்டார். நான்கு வருடங்கள், சாப்பாடுக்குப் பஞ்சமில்லை. நான் இங்கு, அமெரிக்கா கிளம்புபோது அழுதே விட்டார். இவர்களுக்கெல்லாம் நான் என்ன கைமாறு செய்வேன் என்று தெரியாது. அதனால்தான், இந்தப் பதிவு.

இனிமே, மிகமுக்கியமாக ஒரே ஒருவரின் சமையல்தான் பாக்கி, ருசி பார்க்க. ஆனா , நல்ல இருந்தாலும், இல்லைனாலும் எதுவுமே பேச முடியாது. ;).ஒரே ஒரு வழி, நானே சமைத்துக்கொள்ள வேண்டியதுதான் (அவளுக்கும் சேர்த்து).

நான் பார்த்தவரை இந்த சமையல்வேலை  செய்பவர்கள் அனைவரும் கணவனை இழந்தவர்கள் அல்லது வாழ்க்கையில் ஏதேனும் ஒரு நிலையில் கஷ்டப்பட்டு இருந்தவர்களாகவே இருக்ககண்டேன். அவர்களுக்குத்தான் இதன் அருமையெல்லாம் தெரியுமோ என்னவோ.

நன்றியுடன் ,

செ .ச 

நனவோடை – A review of 3D Animated Film ‘Inside Out’

‘ஒரு முருங்கைக்காய் 25 ரூபாயாம், அப்போ 50 காய்க்கு, 50*20=1000 + 50*5=250 =1250 கிடைக்கும் என்று எண்ணியவாறே நான் உக்கார்ந்து இருக்கிறேன் . இடம் – பழகிய முருங்கைக்காய் மண்டி. ஆனால் அவரோ , கமிசன் போக 995 ரூபாய் என்று கொடுக்கிறார். இதில் பல நினைவுகள் , எண்ண ஓட்டங்கள் ,

1. எப்பொழுதும் ஒரு முழுத்தொகையைப் பார்த்தால் மட்டுமே கொஞ்சம் ஆறுதல் அடையும் எனது மனம் – 1000ரூ கிடைத்து இருக்கலாமோ என்று எண்ணிக்கொண்டு இருந்தது .

2. இவ்ளோ கமிஷனா , முன்னெல்லாம் ரொம்பக் கம்மி . அதே சமயம், விளையும் கம்மிதான் , 1 கிலோ = ரூபாய் 6, மிஞ்சிப்போன  15 அவ்ளோ தான் .

3. நான் சொன்னா அப்பா கேக்கறதில்லை. அப்பப்போ சந்தையில கொண்டாந்து போடுறதுக்கு பதிலா நேரம் கிடைக்கிறப்போ மண்டியிலே கிலோக்கணக்கில் போட்டுட்டு வந்துடுறாங்க .

4. அப்பாவின் உடல் நலம் ‘-.  காலையிலே நல்ல கனவு. இன்னும் கொஞ்சம் ஏதேதோ வந்தது . அதெல்லாம் சொல்ல சதீஸ்-ன் தணிக்கை அனுமதிக்காது .😜

சரிங்க. சொல்ல வந்த விசயமே வேற. இந்தக்கனவுகள் எப்படி ஏற்படுகிறது என்று நேற்று(முந்தைய தினம் ) பார்த்த ‘Inside Out ‘ (தமிழ்ப் படுத்தினால் – நனவோடை. பெயர்ப்பதம்- நன்றி :என். சொக்கன்)என்ற உலகப்புகழ் பெற்ற வால்ட் டிஸ்னியின் முப்பரிணாம திரைப்படம் சொன்ன விஷயங்கள்தான். உலகம் முழுதும், பீட் டாக்டரால் இயக்கப்பட்டு வால்ட் டிஸ்னி மற்றும் பிச்சார் அனிமேஷன் ஸ்டுடியோஸ் தயாரிப்பில் ஜூன் 19, 2015 அன்று வெளிவந்து நல்ல படம் என்று விமர்சகர்களால் பாராட்டுக்களை  பெற்றுக்கொண்டிருக்கும் படம்.

tumblr_nkng9qDkUH1rezh6to1_1280

படத்தின் கரு – ரைலி ஆண்டெர்சன் என்ற சிறுபெண்ணின் (அந்த சிறு பெண்ணை மட்டுமல்ல) மனதை ஆட்கொண்டிருக்கும் மகிழ்ச்சி , கோபம் ,வெறுப்பு ,பயம் மற்றும் துக்கம் ஆகிய ஐந்தையும் கதைமாந்தர்களாய்  வைத்து, அவர்கள் எவ்வாறு தன் சொந்த ஊரில் (மினிசோடா) இருந்து சான் பிரான்சிஸ்கோ வரும் ரிலேவை ஆட்கொள்கிறார்கள் என்று நகைச்சுவை , உண்மை கலந்து சொல்லி இருகிறார்கள் என்பதே இதன் வெற்றி.

joyio_Sadness_standardfeario_Anger_standardio_Disgust_standard

இதில் மகிழ்ச்சி மட்டுமே சிறுவயதிலிருந்தே ரைலியை ஆட்கொண்டு அவளை மகிழ்வாய் வைத்திருக்கிறது. அனால், அவள் தனது பதினோறாவது வயதில் தந்தையின் இடமாற்றம் காரணமாக சான் பிரான்சிஸ்கோ வரும்போது மகிழ்ச்சியைத் தவிர ஏனைய நான்கு பேரும் ஆட்கொள்கிறார்கள், என்பதில் படம் தொடங்குகிறது.  இந்த ஐவரும் மூளையைத் தலைநகரமாகக்கொண்டு இயங்குகிறார்கள்.

பழகிய இடத்தைவிட்டு புது இடத்துக்கு , புது பள்ளிக்கு வரும்போது துக்கம் மேலோங்குகிறது. எனினும் மகிழ்ச்சி ரைலியை சந்தோசப்படுத்தும் வேலையைச் செய்யும் போது ,core memories  எனப்படும் முக்கிய நினைவுகளை துக்கம் எதேச்சையாகக் கலைத்து விடுகிறது. அதனைக் கண்டுபிடித்து மீட்டெடுக்கும் முயற்சியில் மகிழ்ச்சியும் துக்கமும் தலைநகரத்தில் இருந்து பிரிந்து நினைவுகளின் களஞ்சியத்தில் போய்ச் சேர்ந்து திரும்பி வர படாதபாடுபடுகிறார்கள்.

இதற்கு இடையில் , தானைத்தலைவி ஜாய் (மகிழ்ச்சி) இல்லாததால் பயம்,கோபம், வெறுப்பு ஆகிய மூன்றும் என்ன செய்வதெனத் தெரியாமல் நடத்தும் ஆட்டத்தால்,ரைலியின் முக்கியமான உணர்வுகளான  நட்பு,குடும்பம்,விளையாட்டு, நேர்மை மற்றும் அப்பாவித்தனம் எல்லாம் கோளங்களாகப் பிரிக்கப்பட்டு தனித்தனித் தீவுகளாக தலைநகரத்துடன் இணைந்து செயல்பட்டு வருவது ஒவ்வொன்றாகத் தகர்கிறது.

islands

படங்கள் – கோளங்கள் . நன்றி : Walt Disney Official Page of ‘Inside Out’

அனால், இங்கோ ‘train of thought’ – மன ஓட்டத்தை புகைவண்டியாக  வைத்து , வழக்கற்றுப் போன பழைய நினைவுகளின் கூடாரத்திலிருந்து ஜோயும்(மகிழ்ச்சியும்) , துக்கமும் , ரைலியின் சின்ன வயசு நண்பனான ‘கற்பனைத்திறன் ‘ பிங்-பாங்குடன் (பெயருக்கு ஏற்றமாதிரி ஆளும் பிங்க்கலர் தான்) சேர்ந்து எப்படி கனவுகளைக் உண்டாக்கும் ஆட்களை (நம் மனதின் நியூரான்கள்) மீறி (இங்குதான் முதல் பத்தியில் கனவுகள் பற்றி நான் எழுதியது கருத்தில் கொள்ள வேண்டியது – முழுதாக அறிந்து கொள்ள படத்தைப் பார்த்துக்கொள்ளுங்கள் ) ரைலியைத் துயில் எழுப்பி துக்கத்தின் , அடிக்கோடிட்டுக்கொள்ளுங்கள் துக்கம் – அதுவும் தேவை,மகிழ்ச்சியான வாழ்வுக்கு.ஆனால் அதற்கு உதவ சரியான மனிதர்களின் ஆதரவும் ,அரவணைப்பும் தேவை .

inside-outInside-Out-67

எப்பேர்ப்பட்ட மனஅழுத்தம் வந்தாலும், துக்கமும் மகிச்சியும்  வாழ்வில் சரிவிகதமான அளவில் இருந்தால் , அதிலிருந்து மீண்டு வந்து புதியதோர் ‘மன சாம்ராஜ்யத்தை’ உருவாக்கலாம். அதே சமயம் , எல்லா உணர்வுகளையும் அடக்கி ஆளத்தெரிந்து இருத்தல் நலம் . அவ்வளவே .

இது  குழந்தைகளை மையப்படுத்தி எடுக்கப்பட்டிருந்தாலும் , மனதில் குழந்தைகளாக இருக்கும்/நடிக்கும்  நம் அனைவருக்கும் ஏற்றதொரு படம்.

 

வாழ்த்துக்களுடன்

செ.ச

 

A R Rahman @Microsoft Theatre Los Angeles- NA Intimate Concert Tour

Being Raaja Sir fan vying for Ilayaraja concert at Texas, something unofficial this Spring, when A R Rahman announced ‘NA Intimate Concert Tour -2015’ , even though he does concerts here at regular intervals , it was bit of excitement for me, as it would be my ‘first’ concert outside home, after ARR’s ‘Thaai Manne Vanakkam'(2013) @Chennai and Isaignani’s “Sangeetha Thiru Naal”(2014) @Madurai.  After series of ‘Yes’ and ‘No’ s from friends and peers, finally decided to go alone when the venue was not that far from home. Thanks to them, I got my seating reserved for far lesser amount, close to the performance stage.WP_20150610_001 WP_20150610_002 WP_20150610_19_06_14_Pro WP_20150610_19_12_42_Pro WP_20150610_19_27_31_Pro

The date is 10th June, 2015 and venue – Microsoft Theatre aka Nokia Theatre(till Jun 9, 2015) Downtown Los Angeles with 7,100 occupancy.

WP_20150610_23_00_18_Pro

Forgive me , if it will be a spoiler for those who are yet to attend (or planning) in other geographies of NA and UK as the show will be precisely 150 mins and the selection of songs played will also be same from the tour starter on May 22. Source – couple of inputs from friends in New Jersey, latest from Redmond and other new posts.

Ok. Time to move to the event day. Mostly filled with South Indians baring a gist of music people from North and NA, the 7,100 seater MS Theatre filled 90% . Courtesy- last min box office offers and week long price reductions. Blame- Wednesday being a weekday for that too.

WP_20150610_001 WP_20150610_21_02_44_Pro WP_20150610_20_35_35_Pro WP_20150610_20_28_35_Pro

The event started by 8:15pm sharp and ended by 10:45pm, well organised.  The stadium sound experience, smoke effect and lighting was amazing and it echoed when ARR entered with trademark authentic white costume initially and started with a number from Delhi-6: Maula Maula (Arziyaan) , a sufi devotional .

The tempo switched back when we heard the prelude from evergreen  ‘Chinna Chinna aasai/Choti se Aasa’ which brought the name and fame for ‘IsaiPuyal’ . P.S – All the songs which has both Tamil and Hindi renditions are a mix of both versions. The third, ‘Duhi Re’ from Bombay which succeeded the melody light music temper and ended on a high note.  Next. a popular number which I heard most number of times , ‘Dil se re’  – mesmerizzz’d.

No 5 – the ever classical , loved ‘Munbe Vaa Anbe Vaa’ brought the audience to a mesmerized state, followed by  foot-tapping ‘Pachai Nirame /Hansti rahe tu hansti rahe’ which I enjoyed the most.

Then came , the recent classical hit ‘Naan Varugen’ from ‘Ok Kanmani’ and melody ‘Pookale Sattru’ from mega-budget ‘I’. Both songs were rendered without any blemish.

9- If I Rise from 127 hours, not much impressed with this. Then came, Rahman rocking with ‘Rockstar’s – O nadaan parindey ghar aaja
O nadaan parindey ghar aaja’ .

When ARR just hinted a chord with his accordian himself, the crowd went ga-ga and started humming ‘Nenjukkule’ and the enthusiasm continued till the song blew away the crowd.

WP_20150610_21_19_08_Pro

12th was a jazz number from ‘100 feet journey’ rendered by Annetta.

‘o humdum suniyo re’ – ‘Endrendummm Punnagai’ was well-received by the crowd with full energy.

From nowhere  the instrumental version of ‘Kaadhal Rojaave’ came and made everyone spellbound followed by another instrumental(which I couldn’t recollect precisely)

Next – ‘Dum Dara Dum Dara Mast Mast Dara’ from Guru and ‘Ishq bina…kya jeena Yaaro’  from ‘Taal’.

ARR was then trying a new technology  with the song ‘Thee Thee Thithikkum Thee’ developed by Intel called ‘Real Sense Technology’ to play music and appealed it as a ‘good work out’ for him , sensualizing why not musician love gadgets.

Get more about this technology here – Intel RealSense Technology.

Quite profoundly, only Rahman wanted to sing along with him for famous number ‘Mahee Vaa’, but the crowd gave him more by flashing the flashlights from their gadgets. you can flash from every nook and corner of the stadium.

WP_20150610_21_58_25_Pro

No-20:  ‘Jiya Jale / Nenjinile ‘ was rendered by a special singer absolutely followed by another hindi number.

‘Maiyaa , Maiyaa’ from Guru made everyone dance.

23- from an ‘unique voice’ as entitled by ARR himself – Singer Sriram enacted ‘Ennodu Nee Irunthaal’ to the core perfection.

24 – Only Punjaabi song ‘Patakha kudi’ from Highway had everyone on their feets.

Quarter Century – the final one came as a surprise after ARR intimated that the concert was over and flung a finishing touch(we thought so) with ‘Maa Tuje Salaam’ and ofcourse ‘Jai Ho’.

Finally , ‘Mozart of Madras’ asked everyone to switch to party mood and with all singers and performers on stage with part-mix starting ‘Chaiya chaiya’ followed by ‘Mental Manadhil’ and ended with other two small songs. Everyone was abruptly near to the stage and security had hard-time in controlling the crowd.

There were only four major singers alongside Rahman in which Jonita Gandhi and Haricharan shared most of the honours. The other singers were Sriram(had more female fans) and Anneta Phillip.

WP_20150610_22_50_05_Pro

Rahman was live all through the show with full throttle energy , replied to audience ‘I love you, too'(no need to tell what was preceded by) , changed costumes according to mood and nature of the songs , thrice , dancing , singing and was even gently tapping hi-fives with audience close-by stage, true to name of the concert.

WP_20150610_21_41_44_Pro

WP_20150610_22_50_34_Pro WP_20150610_22_50_37_Pro WP_20150610_21_45_52_Pro WP_20150610_21_45_30_Pro WP_20150610_21_45_16_Pro WP_20150610_21_45_19_Pro WP_20150610_21_41_44_Pro WP_20150610_21_41_48_Pro

Love ❤,

Sathish Kumar Sellamuthu 😃 Continue reading